好掛住小Kate呀

返工頭幾日認真難捱，真係好掛住小Kate，宜得一放工即刻飛的番屋企，但係番到屋企呀B通常都訓緊覺，就算夜晚餐奶佢都係訓住食．要呀B 眼睛睛望倒我呢個呀媽相信淨番朝早我臨番工既時間，佢仲會對住我笑到見脷唔見眼，可惜我又要趕住番工，開始忙錄的一星期．: (

小Kate好鍾意媽咪輕輕掃佢個頭，一邊聽住音樂，一邊食住奶咀，真係一大享受，唔眼訓都話禁快訓著啦．

小Kate終於有中文名啦

搞到頭都大，終於幫小kate諗倒個中文名．Yeah~~~佢叫張芷澄！！！芷乃樹木的根部；而澄者，表示清澈之意．希望芷澄長大可以成為一個堅強及善良的女孩子．: )

細膽媽咪

剛剛帶完呀女打第一次五合一針，呢個媽咪真係細膽，要個護士幫手抱住小Kate打針，仲要擰轉面唔敢望，好彩BB只係喊左幾聲，希望佢唔好發燒啦！

另外，小Kate最新體重係10磅，身長56.3cm，頭圍係37.5cm，屬中型BB.

True smile

好開心呀，而家同小Kate玩親，佢都會笑，仲係好開心個隻，尤其係朝早一起身，佢笑得好鬼可愛．之前個晚幾辛苦幾唔夠訓都好，見倒佢笑真係咩都抵番哂．諗起自己下個星期就要番工，真係極度唔捨得，要搵食嘛，無計啦！　：(